Тел: (+99871) 237-92-72  г. Ташкент, Мирабадский район, ул. Т. Шевченко 7.  temiryol@gmail.com
Generic selectors
Exact matches only
Search in title
Search in content
Search in posts
Search in pages
Category

Пресса о нас

“Temiryo’lchi” 2014 yil 27 noyabr №48(6027) sonli gazeta

By | Пресса о нас | No Comments

Ijtimoiy himoya — samarali mehnat omili

«Har bir xodimga aloxida e’tibor», «Toshtemiryo’lloyiha» MChJ kasaba uyushma qo’mitasi ana shunday maqsad bilan faoliyat yuritadi.

Mamlakatimizda ish olib borayotgan bir qator loyihalashtirish institutlari orasida  o’z  o’rni va nufuziga ega bo’lgan «Toshtemiryo’lloyiha» mas’uliyati cheklangan jamiyati kompaniyaning istiqbolli strategik loyihalarini muvaffaqiyatli amalga oshirib kelmoqda. Sohadagi har bir bunyodkorlik harakati tashkilotning malakali mutaxassislari yaratgan chizmalardan boshlanadi. Bir necha kunlik mehnat, puxta hisob-kitoblardan so’ng bu chizmalar loyihaga, loyihadan ko’rkam inshoatga aylanadi. Ana shunday samarali mexnat qilayotgan korxona xodimlariga ko’rsatilayotgan ijtimoiy himoya tilga olsa arzigulikdir.

— 126 nafar kasaba uyushma a’zolariga ega korxonamizda ishchi-xodimlarning bo’sh vaktlarida maroqli hordiq chiqarish va dam olish vaqtlarini mazmunli  o’tkazishlari uchun ham qator ishlar amalga oshiriladi, — deydi korxona kasaba uyushma qo’mitasi raisi Aziza Mirsagatova. -Ular uchun zarur mehnat va dam olish sharoitlarini yaratib berish, sihat-salomatligini muhofaza qilish asosiy mezon etib belgilangan. Jamoa shartnomasi bandlarining ijrosi to’liq ta’minlanmoqda. Bu esa ish unumdorligi va samaradorligini oshirishga xizmat qilayotir. Yil boshidan buyon 38 nafar ishchi-xodimga «Sixatgoh», «Chimyon» sanatoriy-profilaktoriysi va «Xo’jakent», «Qoranko’l» dam olish maskanlarida dam olishlari uchun imtiyozli yo’llanmalar berildi. Bunday e’tibordan xodimlarimiz mamnun.

Shuningdek, doimiy ravishda ishchilar orasida sog’lom turmush tarzini targ’ib qilish maqsadida sportning qator turlari bo’yicha musobaqalar, jumladan mini futbol, stol tennisi, shashka, shaxmat va darts bo’yicha musobaqalar  o’tkazilib borilmoqda. Shuningdek, kasaba uyushma faollari tomonidan ishchi-xodimlar  o’rtasida «Ilg’or loyihachi-futbolchi», «Institutning eng yaxshi qandolati» ko’rik tanlovlari o’tkazildi. Temiryo’lchilar farzandlari xam e’tibordan chetda qolayotgani yo’q ular uchun 1 iyun  — Xalqaro bolalarni himoya qilish kuni munosabati bilan «Dunyo bolalar tasavvurida» rasmlar ko’rik-tanlovi tashkil etildi. Tanlovda ishtirok etgan har bir bola e’tibordan chetda qolmadi. G’olib va barcha ishtirokchilarga esdalik sovg’alari taqdim etildi.

— Shu korxonada ishlayotganimga 36 yil bo’ldi. Bu yillar ichida men temir yo’lning barcha imtiyozlaridan foydalanib kelaman. Ta’kidlash kerakki, korxona rahbariyati va kasaba uyushma qo’mitamiz barcha ishchi-xodimlarning ijtimoiy, iqtisodiy, huquqiy manfaatlarini himoya qilib kelmoqda. Ayniksa, bu yil Sog’lom bola yili munosabati bilan qo’mita a’zolari tomonidan  o’tkazilayotgan madaniy-ma’rifiy va sport tadbirlarida nafaqat  o’zimiz, balki oilamiz bilan faol ishtirok etyapmiz, — deydi loyiha bosh muhandisi Mirazim Mirsalixov, Bugungi kunda loyihachilar Angren-Pop elektrlashtirilgan temir yo’l liniyasi qurilishida olib borilayotgan ulkan bunyodkorlik ishlarida faol ishtirok etmokdalar. Mana shunday zaxmatkash temiry lchilarning manfaatlarini himoya qilish esa korxona kasaba uyushmasi qo’mitasining asosiy ish mezoniga aylangan.

Dilafruz KARIMOVA, «Temiryo’lchi» muxbiri

 

“Temiryo’lchi” 2017 yil 1 iyun №22(6157) sonli gazeta

By | Пресса о нас | No Comments

ДУНЁ — БОЛАЛАР НИГОҲИДА

«Тоштемирйўллойиҳа» масъулияти чекланган жамиятида айнан мазкур мавзуда кўрик-танлов бўлиб ўтди. Унда корхона ишчи-ходимларининг фарзандлари ўзларининг тасвирии санъатдаги иқтидорларини намойиш этишди.

1 июнь — Халкаро болаларни химоя қилиш куни муносабати билан ташкил этилган танловда 70 нафарга яқин ўғил-қиз иштирок этди. Келажагимиз эгаларининг фикрлари беғуборлиги, онгу шуурларида фақат эзгу ғоялар мужассам эканлиги уларнинг асарларида яққол намоён бўлди. Кўрик-тан­лов ғолиби овоз бериш йўли орқали аниқланиб, унга кўра смета бўлими етакчи мутахассиси Дилфуза Ганиеванинг 10 ёшли ўғли Хондамир Насруллаев 1-ўринга лойиқ деб топилди.

— Ўғлимнинг тасвирии санъатга, расм чизишга қизиқиши баланд, — дейди Д.Ганиева. — Кўплаб танловларда ғолиб ҳамда совриндор бўлишга улгурди. Бугунги танловда ҳам ғолиб бўлганини эшитиб, оиламиз билан қувондик. Ушбу эътироф унинг келажакдаги фаолиятига қанот бўлишига ишонаман.

Танловнинг барча иштирокчиларига совгалар тақдим этилди. Ғолиб эса Мустақиллик байрами арафасида кўхна Бухоро шаҳрига йулланмани кўлга киритди.

Фирдавс ХАЙРИДДИНОВ, «Temiryo’lchi» мухбири

“Temiryo’lchi” 2017 yil 1 iyun №22(6157) sonli gazeta

By | Пресса о нас | No Comments

ТЕМИР ЙЎЧИЛАР ҚАДИМИЙ БУХОРОДА

Мустақиллигимизнинг 26 йиллиги, муносабати билан «Ўзбекистон темир йўллари» акциядорлик жамияти  Ўзбекистон темирйўлчилари ва транспорт қурувчилари касаба уюшмаси Республика Кенгаши ҳамкорлигида «Тоштемирйўллойиҳа» масъулияти чекланган жамияти касаба уюшмаси ташаббуси билан бир гуруҳ ишчи-ходимларнинг Бухоро шаҳрига сафари уюштирилди.

Корхонанинг 36 нафар ходими ва 3 нафар пенсионеридан иборат темирйўлчи  Бухоронинг қадимий  шаҳар ёдгорликлари – Минораи Калон, Чор Минор, Мир Араб мадрасаси, Лаби ҳовуз мажмуаси, Бухоро амирларининг қишки ва ёзги қароргоҳи — Арк қўрғони ҳамда Ситораи

Моҳи Хоса, Баҳовуддин Нақшбандий зиёратгоҳи буўйлаб амалга оширилган саёҳатдан катта таассурот олишди.

— Ислом маданиятининг бешиги деб таъриф этилган Бухорои шарифга илк бор келишим, — дейди корхона касаба уюшмаси раиси Азиза Мирсагатова. — Гўзал шаҳарнинг қадимий обидалари, осмонўпар миноралари, масжид ва мадрасалари ҳақида кўп бора эшитгандик. Юз бор эшитгандан кўра, бир бор кўрмок. афзал деганларидек, сафаримиз қизиқарли таассуротларга бой бўлди. Шаҳардаги қадимий ёдгорликлар, тарихий осори-атиқалар, минора ва масжидларни кўриб, ўлмас маданият ва тарихга эга миллат вакили эканлигимдан фахрланиб кетаман.

Темирйўлчи сайёхлар юртимизнинг бой маданий меросидан руҳланиб қайтдилар.

Уз мухбиримиз